Emazteei egindako bortizkerien kontrako egunaren biharramunean Arberoan Zehar elkarteak zine eztabaida gaualdi bat proposatzen du Donamartiriko Bil Etxea gelan. Annie Colère filma proiektatuko da lehenik, gizartea aldatu duen borroka baten historia, abortuaren gaiaren inguruan elkar trukaketak izan aintzin. Sartzea urririk, eta bakotxak ekartzea jatekoa eta edatekoa zehazten da.

Urtaroa, euskararen hamabostaldia, urtero antolatua izanen da geroztik. Aurten ere Herriko Etxeak Belhorritz elkartearekin Bil Etxea gelan euskarazko momentu bat proposatuko du. Azaroaren 29an ostiralez, literatur gaualdi bat antolatuko du, lehenik haurrentako ipuin irakurketa eta atsaskari momentu batekin eta 7etan Bea Salaberri jinen da Mesfida zaitez bere azken liburua aurkeztera. Beste bi hitzordu antolatuak dira Donoztirin eta Isturitzen.

Berrikuntzak heldu dira eta urtarrilaren 6tik goiti plantan ezarriko dira : 13 linea 43 bilakatzen da eta Hazparnetik abiatuko da Baiona arte ordutegi beteago batekin, 60 linea berri bat Kanbo eta Donapaleu artean plantan jarriko da Donoztiritik edo Izturitzetik pasatuz, eta Eskaera bidezko Garraioa lurralde osaoan baliatzen ahalko da etxetik hurbileko interes punduetara edo garraio konexioetara joaiteko. Informazio guziak atsemanen dituzue ondoko dokumentua telekargatuz.

Udaberrian Eskual herriko anitz herritan  egin zen eta arrakasta handia ukan zuen Asiako leiztorrak harrapatzeko kanpainaren ondorioz, hainbat  lekukotasunek beherakada bat adierazi dute kofoinen, mahatsondoen, fruitu-arbolen inguruan... Hori guzia, seguraski udaberriko eguraldi euritsuengatik, baina baita kolektiboki eginiko indarrarengatik ere,  Milesker deneri.

Borroka hunen segitzeko, hemendik azaro bukaera  arte berritz tranpak emaiten ahal dituzue, negua pasatzeko prestatuko diren erreginen harrapatzeko.

Oroitarazteko : gomendatua den erezeta da : 25 cl garagardo alkoholdun (edo arno zuri) eta 5 cl granada-ziropa edo Kasis nahastea. Prestakin azukretsu hori lurretik 1.50 m-ra zintzilikatutako plastikozko botila baten hondoan jarri behar da. Hamabost egunean behin berritu behar duzu prestaketa hori.

Aitzinetik eskertzen zaituztegu zuen ekarpenagatik 

Duela gutxi, Asiako leizoraren aurkako kolektibo bat sortu da Euskal Herria Iparraldean.

Asiako leizora ugaltzen ari dela eta bioaniztasunean, ekonomian eta giza segurtasunean duen eragina ikusita, udaberriko harrapaketa kanpaina bat antolatzen du lurralde osoan.

Izan ere, borrokarako modu eraginkorretako bat erregina fundatzaileak udaberrian harrapatzea da, ahulak diren garaia baita. Erregina bakoitzak milaka leizorko kolonia bat sortzeko ahalmena du.

Hemen beherago flyer bat atsemanen duzu, eta jakin herriko etxeak laster Trap Trap modeloko zepoen banaketa antolatuko duela.

2023ko abenduaren 9ko deliberoaren arabera, eta Euskal Hirigune Elkargoko lehendakariaren engaiamenduaren arabera, Elkargoko Kontseiluak laborariendako neurri osagarri berezi batzuk onartu ditu, laborantxa eremuaren ekonomikoki behartua den testuingurua kontuan hartzeko.

Neurri hauek azpian zehaztuak dira.

2022ko urriaren 14ko 2022. dekretuaren ondoren, BAFA formakuntzan sartzeko adina 17 urtetik 16 urtera jaitsi da.

Aurrerantzean, BAFAko formakuntzan izena emaiteko, hautagaiek gutienez 16 urte bete beharko dituzte saio orokorreko formakuntzako lehen egunean.

Jendetasunik ezaren pizkundearen aurrean, EHEko hondakinak biltzeko zerbitzuak hondakinen pausatze irregularren aurkako zigor baten alde deliberatu ostean komunikatzen du. Xehetasunak hemen.

2022ko urtarrilaren 1etik aurrera, webgune honetan aurkeztu ahalko duzu :  https://www.depotpermis.fr zure plangintza-baimen eskaerak :

  Hirigintza Ziurtagiria (CU)

  Aurretiazko Adierazpena (DP)

  Eraikitzeko Baimena (PC)

  Plangintza Baimena (PA)

  Eraispen Baimena (PD)

eta Ezabatzeko Asmo Adierazpena (DIA)

Donamartiriko herrian.

https://www.communaute-paysbasque.fr/vivre/se-deplacer/les-transports-inter-urbains/transport-solidaire

Horra hemen 13. linearen ordutegia : ordutegi-fitxak telekargatzeko - Txik Txak transports Agglomération Pays Basque Adour

Kultur hitzorduak zure etxetik hurbil!

Argibideak-Erreserbak

Tél: 06 35 16 25 91

www.kultura-bidean.eu